Fiangonana Katolika Malagasy Parisy
171 boulevard Brune - 75014 Paris

Fiangonana iraka,
“ka mila loza aho raha tsy mitory ny Evanjely “
Md Paoly (1 kor 9-16)
fandraisanavaovaorohycontacttoerana
en_tete2
colonegache
 

FANANGANANA OLON-TSAMBATRA AN'i SEFRERA RAFIRINGA

Biographie

Efa ela tokoa no niriana izao fananganana Olon-tsambatra an’i Sefrera RAFIRINGA Rapahaël-Louis izao , mba hahafahan'ny rehetra  mamantatra, mandinika ary mibanjina ny momba azy.  Matoa atsangan’ny Fiangonana olon-tsambatra izy dia natao hivavaka manokana ho antsika ary kintana azo alain-tahaka ho antsika Malagasy. Roapolo taona taorian’ny fananganana Olon-tsamabatra an’i Victoire RASAMANARIVO dia omen’Andriamanitra ohatra velona indray isika. Fahasoavan-dehibe ho antsika Malagasy izany.

  • Olomangan'ny firenena malagasy  i  Sefrera RAFIRINGA  tamin'ny fanabeazana ny tanora ho olom-banona sy  ho  zanak'Andriamanitra.
  • Taniketsan'ny fiangonana nitomboan'ny kristiana katolika malagasy izy, raha voaroaka handao an'i Madagasikara ireo misionera nandritra ny ady roa nifanaovan'ny Fanjakana Malagasy sy ny Frantsay (1883-1886 sy 1894-1895).
  • Voaloham-bokatry ny Fikambanan'ny Frères des Ecoles Chrétiennes eto Madagasikara izy, no sady zoky be nandimby ny anaran-dray :  Masindahy  Joany  Batista   DE  LA  SALLE .

Tsarovy fa olombelona toa antsika rehetra izy, namaly ny Antson'Andriamanitra niantefa taminy ka nanokana ny fiainany manontolo tamin'ny fanabeazana ny ankizy sy ny tanora. Niroso tamin'ny lalan'ny fahamasinana izy, satria ny olon-drehetra tsy ankanavaka no tian'-Andriamanitra ary antsoiny hiroso  amin'izany lalam-pahamasinana izany.

Ohatra velona ho antsika  i Sefrera RAFIRINGA Raphaël-Louis,  maro ny olona efa nahazo fahasoavana tamin'ny alalany.  Antenaina fa hitondra hery sy aina vaovao ho ahy, ho anao ary ho antsika ity vavolom-belon'ny finoana ity  Nialoha lalana izy ka antsoy hivavaka ho anao. Indro atolotra anao izany VAVAKA  fanaon'ny fiangonana  fangataham-pahasoavana izany. 

FIVAVAHANA FANGATAHANA   NY   HIARIHARIAN ' NY  VONINAHITR ' I SEFRERA   RAFIRINGA   RAPHAEL – LOUIS

         Ry Andriamanitra izay nampanantena, fa izay manetry tena dia hasandratra, ary izay mampianatra ny fahamarinana amin'ny maro dia hamirapiratra mandrakizay any an-danitra . Koa mihanta Aminao izahay, mba hampiharihary ny voninahitry ny mpanomponao Sefrera RAFIRINGA Raphaël-Louis. Tompo ô, arotsahy amin'izay mangata-bonjy Aminao, noho ny fahatsiarovana ny hatsaram-panahy nananany teto an-tany  ny fahasoavanao.

(Mangina kely dia tononina  ao am-po ny fahasoavana angatahina)

         Enga anie ka hohajain'ny Eglizy masina ny faha-tsiarovana azy, ka hanomezany anay  fakan-tahaka sy mpiaro vaovao , izay hamonjy anay amin'ny asanay sy ny fahasahirananay rehetra ary hanampy anay ho tody soa aman-tsara any amin'ny fahasambarana mandrakizay. AMEN

Rainay any an-danitra ... Arahaba ry Maria ( 3 ) ...Voninahitra anie ...

Sefrera   RAFIRINGA  Raphaël – Louis … Mivavaha ho anay

Raha te hamangy ny fasany ianao  na  koa nahazo fahasoavana

Frère Vice-Postulateur
Frères des Ecoles Chrétiennes
SOAVIMBAHOAKA  - B.P 583
101 – ANTANANARIVO Madagascar

Mazotoa miroso amin'ny lalan'ny  fahamasinana  sy ny  fitiava-namana toa an'i Sefrera  RAFIRINGA .

Frera RAGOD-Gasy, lasaliana
Hanao mompera.

 colonegache
tsiahy
  
   
vaovao  
fiangonana
  
ivelany
  
   
finoana  
 
 
   
 
   
       
  fikatrohana    
 
   
       
  sampana    
 
   
 
   
       
  mulimedias    
 
   
 
   
 
   
       
       
       
       
       
       
       
       
       
       
       
       
       
       
       
       
       
       
       
       
       
         
                   
             
webdesigner