“Mifankatiava ianareo tahaka ny nitiavako anareo”

( Joany 15, 12 )

Fiangonana Katolika Malagasy eto Paris sy Ile-de-France

171 Boulevard Brune – 75 014 PARIS

Site : http://www.fkmp.org/

FISAORANA - ZAIKABE 2012

Amin'ny anaran'ny Pretra sy ny Birao,

Ry kristianina havana,

"homba anareo anie ny fahasoavana amam-piadanana avy amin’Andriamanitra Raintsika sy i Jesoa Kristy Tompo"

(1 Kor 1, 3)

Vita soa iny Zaikabe Nasionaly faha-19 izay nataontsika tany Dijon iny.

Isaorana Izy Tompo Andriamanitra izay nitantana ny diantsika sy nitahy ireo fotoana rehetra nifampizarana teny an-toerana.

"Qu’as tu fait ! ... de ton frère ... ?"

(Gen 4, 10)

Io moa ny lohahevitra nifampizarantsika teny an-toerana izay nanamarihantsika ihany koa ny "Diaconia 2013 : Servons la fraternité"

sy ny faha-30 taona ny ANCMF.

Tsy adino ihany koa ny misaotra an'ireo mpikarakara (Birao Nasionaly sy ny KMZ), ireo nanohana sy namaly ny antso ary nitondra am-bavaka iny Zaikabe iny.

Nampiseho firaisan-kina isika tamin'ireo fotoana sy ireo hetsika maro samihafa natao teny an-toerana.

Misy ny fahatsiarovana izay mbola azo hifampizarana amintsika toy ny polo (Zaikabe 2012) sy ny divay (Zaikabe 2012) ary ny "Porte Clé" (ANCMF). Azo atao ny manao famandrihana raha manam-panirihana ny hividy izany fahatsiarovana izany isika.

Mbola ho avy ihany koa ireo sary fahatsiarovana maro samihafa. Mbola hisy filazana momba izany amin'ny manaraka.

“Voninahitra ho an’Andriamanitra any amin’ny avo indrindra, ary fiadanana ety an-tany ho amin'ny olona tsara sitra-po !”

(Lk 2, 14)

Samy ho tahin'Andriamanitra,

Rivo RASOLOFOMANANA

Mpandrindra ny FKMP / Mpanampy ny Pretra