“Mifankatiava ianareo tahaka ny nitiavako anareo” ( Joany 15, 12 ) Fiangonana Katolika Malagasy eto Paris sy Ile-de-France 171 Boulevard Brune – 75 014 PARIS Site : http://www.fkmp.org/
ANTSO AVO AINGAM-PITIAVANA Ho an’i Mopera Edmond RAKOTONDRAMANANA (Aumônier an’ny FKMP nandritra izay 7 taona izay : 2005 – 2012)
Efa henontsika fa tapitra ny fe-potoana hitantanan’ny Pretrantsika ny FKMP koa dia handeha hody hitodi-doha any an-tanindrazana izy. 7 taona izy no nikarakara antsika, nitondra ny teny soa mahafaly, nampianatra sy nanamasina. Nitakosina tamintsika izy na an-kasoavana (Lamesa isan’Alahady, fanomezana Sakramenta, fetim-piangonana, sns..) na an-karatsiana (Fahoriana, aretina, sns..). Taon-jobily rahateo ny taona fito eo amin’ny Fiangonana, “taona sabatika”, ka fifaliana mameno ny fo ary fankasitrahana ny fanoloran-tena. Nanana anjara isika FKMP fa nanana Pretra hatrany, taom-pahasoavana izany sady taom-piderana sy fisaorana an’Andriamanitra.
Mba ho lavorary izany fanehoam-piravoravoana sy fankasitrahana an’ny Momperantsika dia antsoina ianao hamonjy ny fivoriana fandravonana ny lanonana rehetra hatao amin’izany na ara-panahy na ara-batana. Izany no tanisa dinika. Izany fivoriana izany dia hatao. Ny Alakamisy 28 Jona 2012 izao, ao Chapelle Saint Paul, manomboka amin’ny 7 ora sy sasany hariva (19h30). Manao antso avo sy manainga am-pitiavana anao izahay telo mirahalahy Prezidà nifandimby teto amin’ny FKMP niara-niasa tamin’ny Momperantsika nandritra izay 7 taona izay. Ny tanisa dinika dia hiompana indrindra amin’ny fanomanana ny hetsika ho fanaovam-beloma an’i Mopera Edmond. Izany moa dia ataontsika ny Alahady 8 Jolay 2012 ao amin’ny Eglizy sy ny Crypte Saint Dominique. “Fa ambonin’izany rehetra izany, dia mitafia ny fitiavana, izay fehin’ny hatsaram-panahy rehetra”. (Kôl. 3, 14)
ANDRIAMANAMIRIJA Rakoto Dominique Prezidà tamin’ny 2005 – 2008		ELIASY Liva Prezidà tamin’ny 2008 – 2011	RASOLOFOMANANA Rivo Prezidà nanomboka tamin’ny 2011