“Mifankatiava ianareo tahaka ny nitiavako anareo” ( Joany 15, 12 ) Fiangonana Katolika Malagasy Paris sy Ile-de-France 171 Boulevard Brune – 75 014 PARIS Site : http://www.fkmp.org/
H ISAN-TOKANTRANO
Alahady 25 JOLAY 2010	N° 72
ALAHADY FAHA – 17 MANDAVANTAONA – TAONA D

UNE INTERCESSION COMPROMETTANTE

Jésus, marchant, « avec courage » sur la route qui le conduit à Jérusalem, lieu de sa Passion (voir 13^ème Dimanche), fait de fréquentes haltes de prière. L’Evangile de ce dimanche nous dit qu’un jour, quelque part, Jésus était en prière ». Comment priait-il ? Sans doute, comme tout Juif pieux, il bénissait Dieu, le louait, le glorifiait, l’adorait. Mais on peut deviner que surtout il intercédait avec la même impertinence que celle d’Abraham : s’il se trouvait cinquante, quarante-cinq, quarante, trente, vingt, dix justes dans la ville, la détruirait-tu ? (première Lecture). Intercession d’autant plus insistante que, sachant qu’il était « l’Agneau de Dieu qui porte le péché du monde », Jésus prévoyait que l’ancienne malédiction serait levée sur l’arbre de la Croix (deuxième Lecture). Perspective scandaleuse ? A nos vues humaines, certes. Mais dans la secrète connivence qui unit le Père au Fils Bien-Aimé, c’était le prix qu’il fallait payer pour qu’adviennent enfin parmi les hommes le règne de Dieu, le partage du pain, le pardon, les dons de l’Esprit (Evangile).

On ne peut prier la « prière du Seigneur » avec légèreté. Tout intercesseur s’engage.

MISSEL DES DIMANCHES

Introduction du 17^ème Dimanche

e

DIMANCHE 25 JUILLET 2010 – MESSE DU 17^ème DIMANCHE DU TEMPS ORDINAIRE

Année C – Couleur liturgique : VERT

& VAKITENY MASINA VOALOHANY
Boky Jenezy			Jen. 18, 20 – 32
Nitsangana handeha ho any Sôdôma ireo lehilahy telo nitsidika an’I Abrahama. Ary hoy ny Tompo : “Mafy loatra ny fitarainana miakatra avy amin’i Sôdôma sy i Gômôra, ary lehibe indrindra ny fahotan’izy ireo. Koa hidina Aho ary hizaha raha efa feno tokoa ny halehiben’ny fahotany araka ny fitarainana tonga hatraty amiko, ary raha mbola tsy feno dia hitako”. Niainga ireo lehilahy roa ka nandeha nankany Sôdôma ; fa i Abrahama kosa mbola nijanona teo anatrehan’ny Tompo ihany. Ary nanatona i Abrahama ka nanao hoe : “Hataonao maty miaraka amin’ny meloka koa va ny marina ? Angamba hisy olo-marina dimampolo ao an-tanàna ao, ka hovonoinao koa va ireny ? Ary tsy hamindranao fo và ny tanàna noho ireo olo-marina dimampolo ireo, raha misy izany tokoa ao ? Sanatria Anao izay hanao izany, ka hamono ny marina miaraka amin’ny meloka. Sahala izany ny hahazo ny marina sy ny meloka ! Sanatria Anao izany. Mpitsara ny tany rehetra ve ka tsy hitsara marina ?” Hoy ny Tompo : “Raha mahita olo-marina dimampolo ao an-tanàna Sôdôma Aho, dia hamindra fo amin’ny tanàna manontolo noho ny fitiavako ireo”. Fa hoy indray I Abrahama : “ Indro efa sahy niteny tamin’ny Tompo aho, izaho vovoka sy lavenona foana. Angamba ho latsaka dimy ny dimampolo marina ; ka dia haringanao ve ny tanàna manontolo, noho ny dimy ?” Hoy Izy : “Tsy handringana azy Aho, raha mahita olo-marina dimy amby efapolo ao”. Dia mbola niteny taminy ihany I Abrahama, ka nanao hoe : “Angamba ho efapolo ny olo-marina ao”. Ary hoy Izy : “Tsy hanao izany Aho, noho ny fitiavako an’izy efapolo ireo”. Ary hoy I Abrahama : “Enga anie ka tsy hahatezitra ny Tompo, raha mbola miteny aho : Angamba telopolo izy no hita ao”. Dia hoy Izy : “Tsy hanao izany Aho raha telopolo no hitako ao”. Hoy I Abrahama : “Indro efa sahy niteny tamin’ny Tompo aho, angamba roapolo izy no hita ao”. Ary hoy Izy : “Tsy handringana ny tanàna Aho raha roapolo izy”. Hoy I Abrahama : “Enga anie ka tsy ho tezitra ny Tompo, fa tsy hiteny intsony afa-tsy ity indray mandeha ity aho : Angamba folo izy no ho hita ao”. Dia hoy Izy : “Tsy handringana azy Aho noho ireo folo ireo”.
Izany àry ny Tenin’ny Tompo	-	Hisaorana anie Andriamanitra !

& VAKITENY MASINA FAHAROA
Taratasin’i Md Paoly Apôstôly ho an’ny Kristianina tany Kôlôsy			Kôl. 2, 12 – 14
Ry Kristianina havana, niara-nilevina tamin’I Kristy tamin’ny Batemy ianareo, ary niara-nitsangana taminy tamin’ny Batemy ihany koa, noho ny finoanareo ny herin’Andriamanitra izay nanangana Azy ho velona. Koa ianareo izay matin’ny fahotanareo sy ny tsy fiforànan’ny vatanareo, dia novelomin’Andriamanitra niaraka taminy indray, nony efa navelany ny fahotantsika rehetra. Fa novonoiny ny sora-tanan’ny didy niampanga antsika sy namely antsika, sady nesoriny tsy hisy intsony aza izany, tamin’ny nanomboany Azy tamin’ny Hazofijaliana.
Izany àry ny Tenin’ny Tompo	-	Hisaorana anie Andriamanitra !

& EVANJELY MASINA
Evanjely Masina nosoratan’i Md Lioka			Lk. 11, 1 – 13
Tamin’izany andro izany, I Jesoa nivavaka tao amin’ny toerana iray, ka nony nitsahatra Izy dia hoy ny mpianany anankiray taminy : “Mba ampianaro hivavaka izahay, Tompoko, tahaka ny nampianaran’I Joany ny mpianany”. Ary hoy Izy taminy : “Raha mivavaka ianareo, manaova hoe : Ray ô, hohamasinina anie ny Anaranao. Ho tonga anie ny Fanjakanao. Omeo anay anio ny hanina ilainay isan’andro. Avelao ny fahotanay, fa izahay koa mamela izay rehetra nanao ratsy taminay. Ary aza avelanao ho resin’ny fitaoman-dratsy izahay”. Dia hoy indray koa Izy taminy : “Raha misy aminareo manan-tsakaiza mankao aminy misasaka alina ka manao aminy hoe : ‘Ry sakaiza, ampisambory mofo telo aho, fa misy sakaizako nandeha nivahiny ka tonga ao amiko, nefa tsy manan-katolotra azy aho’ ; ary ilay ao an-trano kosa hamaly ka hanao hoe : ‘Aza manahirana ahy, fa ny varavarana efa mihidy ; izaho sy ny zanako efa tafandry ka tsy afaka hifoha hanome anao aho’. Lazaiko marina aminareo, fa raha maharitra mandondòna izy, na dia tsy hifoha hanome azy noho ny fisakaizany aza ilay ao an-trano, dia hifoha hanome izay ilainy noho ny fanaovany lemozy. Ary hoy Izaho aminareo : Mangataha dia homena ianareo, ; mitadiava, dia hahita ; mandondòna, dia hovohaina. Fa izay rehetra mangataka no mahazo ; izay mitady no mahita, ary izay mandondòna no vohaina. Iza aminareo no ray hanome vato ny zanany, raha mofo no angatahiny, na hanome bibilava azy, raha atody no angatahiny ? Koa raha ianareo, na dia ratsy toy inona aza, mahalala manome zava-tsoa ny zanakareo, tsy mainka va ny Rainareo izay any an-danitra no hanome ny Fanahy Masina ho an’izay mangataka aminy ?”
Izany àry ny Tenin’ny Tompo	-	Dera anie ho Anao, ry Kristy !

¦ soritr’asa manaraka SY VAOVAO SAMIHAFA
1.	MISAOTRA AN’ANDRIAMANITRA ISIKA FA “Tsy manam-pahataperana ny fitiavana” (1 Kôr. 13, 8) Andeha hiala sasatra isika mianakavy fa tapitra teo iny taona pastôraly 2009/2010 iny. Betsaka ny ezaka vita mahavelom-bolo hita taratra tamin’ny fampandrosoana ny Fiangonantsika tao anatin’iny taona pastôraly iny. Tsy nitsitsy herim-po amam-panahy ianareo, nandany vola aman-karena, koa isaorana eram-po eran-tsaina Ilay Mpahary tamin’ny ftsimbinany antsika mianakavy. Tao ny mamy tao ny mafaitra ; nifandimby ny an-kasoavana sy ny an-karatsiana, nefa soa sesehena no be niditra tamin’ny Fiangonana. Satria niezaka isika mianakavy teto amin’ny FKMP mba ivelona hatrany ilay fitiavana tsy mety ritra. Maro tokoa ny Fahasoavana notovozina teto. Tsy nihiboka isika fa nizara izany tamin’ny maro, tamin’ny alalan’ny fandraisana anjara mavitrika, na teo anivon’ny Diosezy izany, na teo anivon’ny ANCMF. Nanao laharam-pahamehana ny raharaham-piangonanna ka nanadino ny tokantrano indraindray. Misaotra koa tamin’ireo andraikitra maro noraisin’ny Vaomiera sy ny Sampana. Sekoly fianaran-draharaha ireny sady sehatra fikatrohana. Mbola maro koa nefa ny adidy miandry antsika mianakavy amin’ny fanitarana ny Fanjakan’Andriamanitra eto an-tany, amin’io taona pastôraly vaovao io 2010/2011. Koa alao hery fa miroso hatrany ny dia. Nisy ireo ezaka rehetra vita sy asam-pamonjena natao am-pitiavana nefa mbola eny an-dalana isika izao ka tena mila hatrany herim-po sy fitiavana. Ka fitiavana tsy ho ritra ao am-po izany fa atosaky ny Fanahy Masina, ilay omen’ny Ray avy any an-danitra araka ny Evanjely vakiana androany amintsika. Hamelombelona antsika lalandava anie ny finoana an’Andrimanitra, ny fanantenana napetrak’I Jesoa Kristy ao am-pontsika, ary ilay fitiavana tsy manam-pahataperana. Manaova fialan-sasatra finaritra sy tsara daholo ê. Amin’ny Alahady 05 Septambra 2010 indray mihaona. ELIASY Liva Filohan’ny FKMP
2.	FANOMBOHAN’NY TAONA PASTÔRALY VAOVAO : AlAHADY 05 SEPTAMBRA 2010 NY ALAHADY 05 SEPTAMBRA 2010 INDRAY ISIKA MIANAKAVY NO HANOMBOKA TAONA PASTÔRALY VAOVAO. NY LAMESA DIA HANOMBOKA AMIN’NY 4 ORA TOLAK’ANDRO, TOY NY MAHAZATRA. MANAOVA FIALAN-TSASATRA FINARITRA DAHOLO. MANOVOZA HERY ENTI-MIATRIKA IZANY AM-PAHAVITRIANA

” FIZARANA ANDRAIKITRA
1.	MANENTANA LITORIZIA : 05/09/2010 : VAOMIERAN’NY FINOANA (Alahady faha 23 – Mandavantaona – TAONA D)
2.	MANADIO FIANGONANA : 04/09/2010 : FILAN-KEVITRA PASTORALY