“Mifankatiava ianareo tahaka ny nitiavako anareo” ( Joany 15, 12 ) Fiangonana Katolika Malagasy Paris sy Ile-de-France 171 Boulevard Brune – 75 014 PARIS Site : http://www.fkmp.org/
Alahady 20 JONA 2010
FETIN’NY RAY

TAFAN-DRAY TIA !

Ramatoan’ny aiko ô

Sitrako anie ianao sady mamiko,

Tiako anie ianao sady teliko,

Ka tsy misatry fanahy ny manoro aho

Ary tsy vizana ny mananatra

Fa malama maina ny tany,

Ka tsy azo anaovana tongo-dovia,

Ary tevana ny fiainana,

Ka tsy azo anaovana sangodim-panina

Fa izay miringiringy no ho potraka

Ary izay mihaitraitra no ho lavo.

Raha potraka anie, anaka

Ny fahalavoana zaka maharary ihany

Fa ny akoram-bahoaka no tsy zaka

Ary ny eson’ny tsy tia no tsy tanty

Fanorona anie ny fiainana eto

Ka raha tsontsam-paika, matim-bela

Lomotra anie izy ity

Ka izay tsy mitandrim-pamindra no ho solafaka

Ny hanarina anao lavo anie, zaka ihany,

Ny hibata anao potraka, leo ihany

Fa ny hanasa ny fotaky ny fahalavoanao no tsy tanty

Ary ny handio ny lambanao no tsy laitra

Lamba fotsy no nasaly anao,

Lamba mangatsakatsaka no natafy anao,

Ka raha maloto no ho sasana, anaka,

Na mangoratsaka aza, misy pentina ihany,

Ary na madio aza, ny dindon’ny fahalavoanao hisoritra eo ihany.

Saro-pady ny fiainana ka mitandrema,

Feno jina izy ka mahaiza.

X… (1939)

Hainteny Ankehitriny

François Rakotonaivo

BONNE FETE IANAO RAPAPANAY

Tratrin'ny fetin-dRay

Ianao a! Rapapanay

Ilay vadin'i Neny

Mpananatra, ombieniombieny

Ity misy tononkalo

Sady tsy hamidy, no tsy hatakalo

Fa vokatrin'ny fo,tokoa

Ventsoventsoina, raha vao mifoha

Izy no lohany, mpanafay,

Raha sendra maditra izahay

Ary raha mbola miseho milay,

Dia voadarony, mahamay!

Fa raha toa ka tsy miasa izy,

Dia kepoka ny devizy

Ka dia raikitra ny kirizy,

Fa kere ho aho , izahay ankizy

Fa izahay no toa izao,

Dia nohon'ny fitiavanao

Mangataka lalana, ka havelao

Mba hankalaza ny fetinao

Bonne fety ianao Rapapanay

TIAKO IANAO RY DADA !

Ry Ray am-panahy Ianao no Dada iombonana Sady mpiara-misalahy No rain'ny mpiray Fiangonana	Ho tahian'ny Tompo hatrany Saina, fo mahay miravo, Ny Dada rehetra eto an-tany. Misandrata ho amin'ny avo.
Zaho no Dylan Zandry faralahy I Dadanay milamina Sady tsy manahy	Ny anarako Clovis Fiantso ahy n'aiza n'aiza Ny ditra tsy misy Fa i Dada no mpitaiza
Miala any àry Léry Kinga sy tena kofboay ary ny dadan’ny leiry manja no sady milay	Henintsoa no anarako Lahikelin'i Dada Ny hendry no anjarako Na dia mbola mibada.
I Dada ilay Mahefa Mpiaro sy mpiahy I Dada tsy mba zefa Fa bôgôsy be ohatr'ahy	Zao re no hafatra Fa fetin'ny Ray Mba tena tonga lafatra Zay Dadanay 'zay.
Feno soa tokoa Ny fiainanay rehetra F'i Dadanay moa Tia sy tsara toetra.	Miantsa sy mihira Ny foko manontolo F'i Dadanay sourire Sady mahakolokolo
Izaho no Lucas Tsara taiza, sambatra. Mijoro sady sahy F' i Dada no filamatra.	Tiako, tsy kiriana Ilay Dadako mpanoro Fa mamy Hifaliana Tiako be pour toujours
Hafaliana hatrany Isaorako ilay tsy toha Fa mamiko eto an-tany I Dada mampifaly fo.	Manda fiaro no isalorako Natolotr'ahy tsy poak'aty. I Dada no antoka ifotorako Anaran-dray tsy mba maty
Arahaba no asandratra Dada anie tsy foin'i Naly e ? Enga anie ianao ho sambatra Ho ravo foana sy ho faly !

IMANGA

(Jean Louis Rakotondramanga)

Vaomieran’ny Kolontsaina

Aina

(Lanto Rakotoarisoa)

Vaomieran’ny Kolontsaina

FIRARIAN-TSOAN’NY ANKIZY