“Mifankatiava ianareo tahaka ny nitiavako anareo” ( Joany 15, 12 ) Fiangonana Katolika Malagasy Paris sy Ile-de-France 171 Boulevard Brune – 75 014 PARIS Site : http://www.fkmp.org/
H ISAN-TOKANTRANO
Alahady 06 JONA 2010	N° 65
ALAHADY FENTIN’NY SAKRAMENTA MASINA – TAONA D

LE SAINT – SACREMENT

C’est cette semaine, en la solennité du Sacré-Cœur, vendredi, que s’achève ‘l’année sacerdotale’ avec le rassemblement mondial des prêtres à Rome. À vrai dire, - et pour se mettre au diapason de l’actualité ‘footballistique’ qui va bientôt déferler- nous aurons l’opportunité de jouer quelque prolongation ou arrêts de jeux lors du rassemblement diocésain à l’occasion des ordinations sacerdotales du 26 juin.

La fête du Saint-Sacrement - fête de l’Eucharistie - n’est pas sans inviter aussi à rendre grâce pour le don des prêtres à l’Eglise, et pour le ministère qu’ils ont de rassembler le Peuple de Dieu pour nouer l’offrande et l’action de grâce de chaque baptisé dans l’offrande et l’action de grâce de Jésus à son Père. Nous n’aurons jamais fini de prendre la mesure des dons de Dieu : don de la vie, de la beauté de ce monde, de la noblesse de l’homme et de la dignité de sa liberté et de sa responsabilité, de la grandeur de l’amitié et de l’amour, de la force de l’espérance… La liturgie comme la Parole de Dieu de ce dimanche nous aident à nous émerveiller de ce que Dieu nous donne ‘la grâce de rendre grâce’ ! Car bien sûr, l’homme ne pouvant rendre à Dieu à la hauteur de ce qu’il a reçu, il faut que ce soit Dieu lui-même qui vienne accomplir au coeur du monde ce ‘merci’ que l’homme aspire à dire et à vivre comme réponse à son amour et à ses dons !

Quand nous célébrons l’eucharistie, ‘quand nous mangeons ce pain’ de Vie et ‘buvons à cette coupe, nous proclamons la mort du Seigneur jusqu’à ce qu’il vienne’. C’est dans son amour miséricordieux que Jésus nous uni, par ce sacrifice non sanglant, à son offrande, au don de sa vie au Père et aux hommes, apaisant ainsi notre faim de rendre grâce. Oui, il est grand le mystère de la foi !

Père Franck DERVILLE

DIMANCHE 06 JUIN 2010 – MESSE DU CORPS ET DU SANG DU CHRIST

Année C – Couleur liturgique : BLANC

Jean-Marie VIANNEY 1786 – 1859

TAONAN’NY PRETRA ANNEE SACERDOTALE Du 19 Juin 2009 au 19 Juin 2010 Ho fahatsiarovana ny faha-150 taona ny nahafatesan’i Mompera Jean-Marie VIANNEY, Curé tao Ars. Izay Olomasina mpiaro ny Mompera Curé rehetra. Mandritra izao fankalazana ny taonan’ny Pretra izao dia lasa mpiaro ny Pretra rehetra tsy ankanavaka izy.

& VAKITENY MASINA VOALOHANY
Boky Jenezy			Jen. 14, 18 – 20
Tamin’izany andro izany, I Melkisedeka mpanjakan’I Salema dia nitondra mofo sy divay : Mpisoron’Andriamanitra avo indrindra izy. Dia nitsodrano an’I Abrahana izy nanao hoe : “Hanisy soa an’I Abrahama anie Andriamanitra avo indrindra Izay nahary ny lanitra sy ny tany. Ary hisaorana anie Andriamanitra avo indrindra izay nanolotra ny fanahavalonao ho eo an-tananao”. Ary I Abrahama kosa dia nanome azy ny ampahafolon’ny zavatra rehetra.
Izany àry ny Tenin’ny Tompo	-	Hisaorana anie Andriamanitra !

& VAKITENY MASINA FAHAROA
Taratasy voalohan’I Md Paoly Apôstôly ho an’ny Kristianinba tany Kôrinty			1 Kôr. 11, 23 – 26
Ry Kristianina havana, izao no noraisiko tamin’ny Tompo sy nafindrako taminareo kosa : tamin’ny alina namadihana Azy iny I Jesoa, dia nandray mofo, ka nony efa nisaotra Izy, dia namaky azy sy nanao hoe : “Raiso ary hano, fa Vatako ity ho anareo, manaova izao ho fahatsiarovana Ahy”. Toy izany koa, nony efa nihinana, noraisiny ny kalisy, dia hoy Izy : “Ity kalisy ity no fanekena vaovao amin’ny Rako ; manaova izao ho fahatsiarovana Ahy, isaky ny misotro ianareo. Fa isaky ny mihinana ity Mofo ity sy misotro amin’ity kalisy ity ianareo, dia manambara ny fahafatesan’ny Tompo mandra-piaviny”.
Izany àry ny Tenin’ny Tompo	-	Hisaorana anie Andriamanitra !

& EVANJELY MASINA
Evanjely Masina nosoratan’i Md Lioka			Lk. 9, 11b – 17
Tamin’izany andro izany, I Jesoa niteny tamin’ny vahoaka ny amin’ny Fanjakan’Andriamanitra sady nanasitrana ny marary. Efa ho hariva ny andro ka nanatona Azy ny roa ambin’ny folo lahy nanao taminy hoe : “Ravao ny vahoaka handeha hitady fandriana sy hanina any amin’ny vohitra sy ny saha manodidina, fa aty an’efitra isika izao”. Fa hoy Izy taminy : “Omeonareo hanina izy”. Dia namaly ireo nanao hoe : “Tsy manana afa-tsy mofo dimy sy hazan-drano roa izahay, raha tsy hoe handeha hividy angaha izahay, mba hisy hohanin’ireo vahoaka be ireo”. Fa tokony ho dimy arivo lahy izy ireo. Dia hoy Izy tamin’ny mpianany : “Asaovy mipetraka mitsitokotoko dimampolo avy ny olona”. Dia nataony izany, ka nasainy nipetraka daholo izy ireo. Tamin’izay, noraisin’I Jesoa ny mofo dimy sy hazandrano roa, dia niandrandra ny lanitra Izy ka nitso-drano, ary novakiny sy nozarainy tamin’ny mpianany, mba harosony eo anoloan’ny vahoaka. Dia nihinana izy rehetra ka voky. Dia nentina ny sombitsombiny sisa tsy lany ka nahafeno sobika roa ambin’ny folo.
Izany àry ny Tenin’ny Tompo	-	Dera anie ho Anao, ry Kristy !

( fifampizarana

VATANA SY RAN’I KRISTY

Fety lehibe no ankalazain’ny Fiangonana androany, dia ny Fetin’ny Sakramenta Masina : Vatana sy Ran’I Jesoa Kristy. Foto-pinoana lehibe ihany koa ho antsika Kristianina Katolika satria mino mafy ny fisian’I Jesoa Kristy ao anatin’ny Hostia isika. Sakafo iveloman’ny Fiangonana aty am-pivahiniana aty an-tany ny Eokaristia. Sorom-pisaorana mampihavana ny tany aman-danitra, ary mampihavana sy mampiombona antsika mianakavy. Mivelona ao amin’I Kristy isika ary tonga ho ratsam-batany. Mikoriana ao amintsika ilay “Rà iorenam-panekem-pihavanana vaovao sady mandrakizay”. Raha mandray izany Vatana sy Ràn’I Jesoa Kristy izany isika dia miombana tanteraka Aminy mba hahazo ny tena fiainana.

Ao amin’ny Vakiteny voalohany dia mampiseho an’I Melkisedeka ilay mpanjaka marina sy mitsinjo ny vahoaka. Nitondra mofo sy divay. Efa tandindon’I Jesoa Kristy Mpanjaka sy Mpisorombe mahay mangoraka. Efa manambara sahady fa ambony I Kristy noho ny fokon’I Levi. I Melkisedeka izay mpanjakan’ny fahamarinana ny hevitr’anarany voalohany, ary mpanjakan’ny fiadanana (Hebrio 7, 2). Moa và tsy Kristy no fahamarinana sy fiadanana ho antsika ? I Kristy àry no Sorona sy Mpisorona lavorary. Tsy misy hafa ankoatra Azy. Mankalaza manokana izany fety lehibe izany isika androany. Ilay Fanekempihavanana vaovao sady mandrakizay mampiombona antsika amin’Andrimanitra Ray indray. Koa raha mamelona ireo olona marobe nanaraka Azy I Kristy araka ny Evanjely novinaky androany dia manambara fa Izy tokoa Ilay Mesia nandrasana. Ilay sakafo tsy lany laniana dia manambara ny Fanjakan’Andriamanitra sy ny fanavotana entiny ho antsika. Sambatra tokoa izay noana sy mangetaheta ny fahamarinana fa omen’I Kristy azy izany. Vahoaka vaovao arak’izany ny vahoakan’Andriamanitra hitantsika ato amin’ny Evanjely, mizotra amin’ny lalana tokoa ho an’ny an-danitra fonenan’ny velona ny Fiangonana, mivelona amin’ny Eokaristia. Ka ny firenen-drehetra no homena izany famonjena izany.

Adidintsika mpianatry Kristy àry ny mitory izany finoana izany ka tsy ho diso anjara koa I Madagasikara tanindrazantsika amin’izao lalana diavina izao. Mila faharetana ny finoana mba handaitra ny Sorona tokan’I Kristy dia nyVatana sy Ràny. Mahereza mandray izany tsy tapaka.

Liva ELIASY

Vaomieran’ny Finoana

¦ soritr’asa manaraka SY VAOVAO SAMIHAFA
1.	ANTSAM-PANAHY LEHIBE, ASABOTSY 19 JONA 2010 : “GASIKARANAY VONJEO”, izany no lohahevitra hanentanan’ny Antoko Mpihira ny aingam-panahintsika amin’ny Antsam-panahy izay hataon’izy ireo ny Asabotsy 19 Jona 2010 manomboka amin’ny 7 ora sy sasany hariva ao amin’ny Crypte Saint Dominique (Paris 14ème). Ny fandraiasan anjara dia 10 euros. Ilazao ny havana aman-tsakaiza hitondra amam-bavaka an-kira ny tanindrazantsika.
2.	FFKM – FRANTSA, HO AN’NY TANINDRAZANA – ASABOTSY 26 JONA 2010 : Ny Asabotsy 26 Jona 2010, fankalazana ny faha-50 taona nahazoan’i Madagasikara ny Faheleovantenany, dia hisy Fiaraha-mivavaka iraisam-pinoana karakarain’ny FFKM-FRANTSA. Izany dia hatao ao amin’ny Fiangonana Notre-Dames des Champs 92, Bd Montparnasse (Paris 6 ème). Métro : Montaparnasse.
3.	FISAORANA : FITSANGATSAGANAN’NY ANKIZY Isaorana lehibe ny Tompo fa vita soa aman-tsara ny fitsangatsanganana izay nokarakarain'ny vaomieran'ny Kolontsaina. Fisaorana sy fankasitrahana tanteraka no atolotra : · anareo ankizy rehetra · anareo ray aman-dreny rehetra · anareo mpikarakara nanampy · anareo fiangonana , mpiandraikitra · ianao mopera sy ny birao ary ny filan-kevitra pastoraly rehetra eto amin'ny fiangonana. Fa dia tanatin'ny fifaliana sy ny fifankatiavana ary lalao tokoa no nahavitan'izany fitsangatsanganana izany. Misaotra ny rehetra tsy ankanavaka. Vaomieran'ny Kolontsaina.

” FIZARANA ANDRAIKITRA
1.	MANENTANA LITORIZIA : 13/06/2010 : VAOMIERAN’NY FITANTANANA.
2.	MANADIO FIANGONANA : 12/06/2010 : Mpanomana ny litorzian’ny Komonio Voalohany