|
“Mifankatiava
ianareo tahaka ny nitiavako anareo” ( Joany 15, 12 ) Fiangonana Katolika Malagasy Paris
sy Ile-de-France 171 Boulevard Brune – 75 014 PARIS Site : http://www.fkmp.org/ |
|
|
H
ISAN-TOKANTRANO |
|
|
Alahady 28
Febroary 2010 |
N° 52 |
|
ALAHADY FAHAROA AMIN’NY KAREMY – taona D |
|
|
Ny
vavaka manova zavatra Mitantara ny fiovan-tarehin’i Jesoa tany an-tendrombohitra teo anatrehan’i Piera sy Jakoba ary i Joany ny Evanjely atolotry ny Eglizy ho antsika androany alahady faha 28 Febroary. Mifanaraka tsara amin’ny vanim-potoan’ny karemy izay ianinantsika io Evanjely io. Ny karemy fiomanana amin’ny Fankalazana ny Paka, ny fiovan-tarehin’i Jesoa dia efa tandindon’ny fitsanganany amin’ny maty. Ilay voninahitra ambaran’ny akanjo fotsy mamirapiratra dia ilay voninahitra ho raisin’i Jesoa avy amin’i Rainy aorian’ny fitsanganany amin’ny maty. Efa omanin’i Jesoa hahafantatra tsikelikely ny fitsanganany amin’ny maty ireo mpianatra nentiny niaraka taminy tany an-tendrombohitra. Fa ny zavatra iray misongadina
tsy azo hodian-tsihita eto amin’ity fiovan-tarehin’i Jeoa ity ary tiako
hiainantsika bebe kokoa mandritra izao karemy izao dia ny vavaka. Manan-kery
ny vavaka, manova ny fiainantsika manontolo ho amin’ny tsaratsara hatrany.
Porofon’izany ny fiovan-tarehin’i Jesoa tonga fotsy mamirapiratra tao anatin’ny
vavaka nataony. Resy lahatra ny mpianatra niaraka taminy fa ny vavak’i Jesoa
dia vavaka manova endrika. Hany ka nanentana sy namporisika fatratra ireo
kristianina tany am-boalohany izy ireo hivavaka lalandava. I Jesoa rahateo moa, dia nampianatra azy ireo
hivavaka. Mety hanontany tena angamba isika hanao
hoe : toa tsy mandaitra ny vavaka raha mijery ny zava-misy amin’izao
tontolo izao. Maro ny mivavaka nefa mbola miharatsy hatrany ny fiainana. Miady
ny firenena, mifamono ny mpihavana, mifankahala ny olona, mifandrafy ny
katolika sy ny protesatanta, miady ny kristianina sy ny silamo, mifamono ny
mpivady … Tadidio anefa fa raha tsy misy ny vavaka atoaontsika dia vao maika
ho ratsy ny fiainana. Hoy ny pretra iray : « Eto amin’izao tontolo
izao raha mijanona tsy misy manao Lamesa iray segondra monja dia ho korontana
ambony ambany izao tontolo izao ». Zany hoe misy mivavaka manolotra
Sorona Masina isan’andro isan-tsegondra eran’izao tontolo izao. Ny
mpitokamonina (moines) lahy na vavy moa dia mivavaka mifandimby tsy
an-kijanona na andro na alina. Koa manentana antsika àry hivavaka bebe kokoa
hatrany mandritra izao karemy izao satria ny vavaka dia manova zavatra. Miangavy
anareo aho mba hivavaka ho an’ny olona izay hitanareo sahirana na ara-batana
na ara-tsaina na ara-panahy eo amin’ny manodidina anareo. Ny « Arahaba
ry Maria » iray ataonareo ho an’ireny olona ireny dia fanomezana
sarobidy. |
|
|
Père
Edmond RAKOTONDRAMANANA |
|
|
Aumônier |
|
DIMANCHE
28 FEVRIER 2010 – MESSE DU 2ème DIMANCHE DE CARÊME
Année C – Couleur liturgique : VIOLET
|
|
Jean-Marie
VIANNEY 1786 – 1859 |
TAONAN’NY
PRETRA ANNEE
SACERDOTALE Du 19 Juin
2009 au 19 Juin 2010 Ho fahatsiarovana ny faha-150 taona ny nahafatesan’i
Mompera Jean-Marie VIANNEY, Curé tao Ars. Izay Olomasina mpiaro ny Mompera
Curé rehetra. Mandritra izao fankalazana ny taonan’ny Pretra izao dia lasa
mpiaro ny Pretra rehetra tsy
ankanavaka izy. |
|
& VAKITENY MASINA
Voalohany |
|
||
|
Boky Jenezy |
Jen. 15, 5 – 12. 17 – 18 |
||
|
Tamin’izany
andro izany, i Abrama dia nentin’Andriamanitra nivoaka ka nilazany hoe :
« Atopazy hijery ny lanitra ny masonao ka isao ny kintana raha mahisa
azy ianao ». Ary
hoy Izy taminy : « Ho tahaka izay ny taranakao ». Ary nino ny
Tompo i Abrama ; ka neken’ny Tompo ho fahamarinany izany. Ary hoy Izy
taminy : « Izaho no Tompo nitondra anao nivoaka avy any Ora amin’ny
Kaldeanina, mba hanomezako anao ity tany ity hanananao azy ». Hoy ny
navalin’I Abrama : « Tompo Andriamanitra ô, inona no hahafantarako
fa hanana izany aho ? » Dia hoy ny Tompo taminy : « Mandehana
maka ombivavy kely efa telo taona iray, osivavy efa telo taona iray, ondrilahy
efa telo taona iray, domohina iray, ary vanto-boromahailala iray ». Dia
nentin’I Abrama nankeo aminy ireo biby rehetra ireo, ka nosasahiny roa mitovy
avy izy ireo dia nampifanandrifiny avy ny vakiny ; fa ny vorona tsy mba
nosasahiny. Niantoraka hifaoka ny fatin’ireo ny vorona mpihaza, fa noroahin’i
Abrama. Raha ilay nilentika iny ny masoandro dia rendriky ny torimaso mafy i
Abrama, ary indro notsindrian’ny tahotra mafy sy haizim-pito izy. Nony maty
ny masoandro, ka efa maizina ny andro, dia indro nisy memy mivoa-tsetroka sy
Fanilo mirehitra namakivaky iretsy biby voasasaka. Tamin’izany andro izany
nanao fanekena tamin’i Abrama ny Tompo nanao hoe : « Omeko ny
taranakao ity tany ity hatrany amin’ny onin’i Ejypta ka hatrany amin’ny ony
lehibe, dia Eofrata izany ». |
|||
|
Izany àry ny Tenin’ny Tompo |
- |
Hisaorana anie Andriamanitra ! |
|
|
& VAKITENY MASINA
faharoa |
|
||
|
Taratasin’i Md. Paoly Apôstôly ho an’ny Kristianina tany Filipy |
Fil. 3, 17 – 4, 1 |
||
|
Ry
Kristianina havana : makà tahaka ahy ianareo ; ary diniho ireo
mandeha araka ny ohatra hitany taminay. Voalazako taminareo matetika, sady
mbola lazaiko amin-dranomaso koa ankehitriny, fa maro no mandeha miseho ho
fahavalon’ny Hazofijalian’i Jesoa Kristy mihitsy. Fahaverezana no
hiafaran’ireny, fa ny kibony no andriamaniny, ny tokony hampahamenatra azy no
ireharehany, ny zavatry ny tany no hany ankamamîny. Fa isika kosa dia any
an-danitra no fanjakantsika, ary avy any koa no iandrasantsika Mpamonjy, dia
I Jesoa Kristy Tompo, izay hanova ity vatantsika tsinontsinona ity, ka hampitovy
endrika azy amin’ny Vatany be voninahitra, araka ny herin’ny fahefana
nampanekeny azy ny zavatra rehetra. Koa
amin’izany, ry Kristianina Havana mamiko indrindra, fifaliako
aman-tsatro-boninahitro, mahareta tsara ao amin’ny Tompo, araka izany. |
|||
|
Izany àry ny Tenin’ny Tompo |
- |
Hisaorana anie Andriamanitra ! |
|
|
& evanjely masina |
|
||
|
Evanjely Masina nosoratan’i Md Lioka |
Lk. 9, 28b – 36 |
||
|
|
|||
|
Izany àry ny Tenin’ny Tompo |
- |
Dera anie ho Anao, ry Kristy ! |
|
|
( fifampizarana |
|
||
|
La Transfiguration
c'est le changement miraculeux dans l'apparence du Christ. C'est ce moment de
prière sur la montagne que Dieu choisit pour révéler à ces trois disciples,
Pierre, Jean et Jacques, le mystère du Fils de l'homme. Car, ici, ce ne sont
plus des hommes, la foule ou les disciples, qui donnent leur opinion, c'est
Dieu lui-même qui apporte la réponse et nous donne à contempler le mystère du
Christ : « Celui-ci est mon Fils, celui que j'ai choisi, écoutez-le ». Pierre, émerveillé du
visage transfiguré de Jésus, parle de s'installer : « Maître, il
est heureux que nous soyons ici ; dressons trois tentes ... ». Mais
Luc dit bien que « Pierre ne savait pas ce qu'il disait. » Il n'est
pas question de s'installer à l'écart du monde et de ses problèmes : le
temps presse ; Pierre, Jacques et Jean doivent se hâter de rejoindre les
autres. Car le projet de Dieu ne se limite pas à quelques privilégiés :
au dernier jour, c'est l'humanité tout entière qui sera transfigurée ;
comme dit Saint Paul dans la lettre aux Philippiens (la deuxième lecture) « nous
sommes citoyens des cieux. » Le « Ecoutez-le » n'est
pas un ordre donné par un maître exigeant ou dominateur ... mais une
supplication ... « Ecoutez-le », c'est-à-dire faites-lui confiance. |
|
||
|
Hasina RAKOTOARISON |
|
||
|
Vaomieran’ny TANORA |
|
||
|
¯ VETSON’NY ANTOKO MPIHIRA “FEON’ANJOMARA” |
||||
|
Ry ondry mania (Lk 15, 20 – 31 / Jn. 11, 1 – 8) |
||||
|
1. Ô ry ondry mania Ampy izay ka modia Miandry anao ‘lay Rainao be fitia ka modia Koa raha toa hitanao f’efa ho trotrak’ianao Miverena ato an-tranon-dRainao Tsy ny ditra natao no hamoizako anao Tsy ny Ray sanatria no handao |
2. Any ianao ela be Dia mihevitra hoe Manadino anao ilay Rainao sanatria ‘Lay Rainao mora fo fihantanao taloha Dia miandry anao hatr’izao Ô ry ondry mania tsy miova ny ety Koa raha manina ianao malakia |
|||
|
Fiv. Manatôna ho trotroiko Lamba soa no hasalotr’anao. |
||||
|
¦ soritr’asa manaraka
SY VAOVAO SAMIHAFA |
||
|
1. |
NAHAZO
EVEKA VAOVAO NY EGLIZIN’I MADAGASIKARA : Notendren’i Papa Benoît
faha-16, tamin’ny Alakamisy 25 febroary 2010 teo ho Eveka vaovaon’ny Diosezin’i
Morondava i Mompera Marie Fabien RAHARILAMBONIAINA, Pretra ao amin’ny
Fikambanan’ny Carmes. Izy rahateo no lehiben’ny Fikambanana. 42 taona izy izao
voatendry ho Eveka izao. Nandimby an’i Mgr Donald PELLETIER izay lasa nisotro
ronono izy. Lasa Faritany eklesiastika koa i Toamasina, ka voatendry ho
Arseveka i Mgr Désiré TSARAHAZANA, izay Evekan’i Toamasina. Lasa dimy izany
izao ny faritra eklesiastika any Madagasikara : Antsiranana,
Antananarivo, Fianarantsoa, Toliary ary Toamasina. Dia hifampitondra
am-bavaka hatrany isika kristianina rehetra. |
|
|
2. |
TAKARIVAM-PIANAKAVIANA
KARAKARAIN’NY FKMP : Efa
nambara tamintsika mianakavy teto fa hanao TAKARIVAM-PIANAKAVIANA isika FKMP
mba hanampiana ny hoenti-manana ara-bola amin’ny fandraisana anjaran’ny
tsirairay amin’ny Zaikabe izay hatao any « Paray-le-Monial » ny
22-23-24 Mai 2010. Ny saram-pilasiana dia mitovy ho an’ny rehetra ka 65 euros
izany. Mavesatra ho an’ny fianakaviana izany, ka izany no antony
hanaovantsika FKMP ity koranam-pianakaviana ity. Koa manainga ny rehetra izay
te hiditra ao anaty komisiona handinika izay ho hatao mba hijanona
aorian’izao Lamesa izao : kanto Malagasy ho fehezam-boninkazo,
fialam-boly isan-karazany, hetsika sy dihy arahina tohan’aina, karaoke sy ny
DJ, ary vary amin’anana. |
|
|
3. |
VAOMIERAN’NY
KOLONTSAINA (ALAHADY 07 MARSA 2010) : Isakin’ny Alahady voalohan’ny
volana dia ny Vaomieran’ny Kolontsaina no mandray ireo zanatsika amin’ny
fampianarana ny teny sy ny kolontsaina malagasy. Ny fotoana dia manomboka
amin’ny 3 ora tolak’andro eto amin’ny Chapelle Saint Paul. |
|
|
” FIZARANA
ANDRAIKITRA |
|
|
1. |
MANENTANA LITORIZIA : 07/03/2010 : VAOMIERAN’NY FITANTANANA (Alahady Faha-3 amin’ny
Karemy) |
|
2. |
MANADIO FIANGONANA : 06/03/2010 : BIRAOM-PIANGONANA |