|
“Mifankatiava ianareo
tahaka ny nitiavako anareo” ( Joany 15, 12 ) Fiangonana Katolika
Malagasy Paris sy Ile-de-France 171 Boulevard Brune –
75 014 PARIS Site : http://www.fkmp.org/ |
|
|
H
ISAN-TOKANTRANO |
|
|
Alahady 03 Janoary 2010 |
N° 45 |
|
ALAHADY – FISEHOAN’NY TOMPO – taona D |
|
|
EPIFANIA Tafahaona soa eto
amin’ny fampizarana isika mianakavy. Faly
miarahaba nahavita soa ny Noely sy ny taom-baovao 2010. Ny alahady manaraka ny Noely
no nankalazain’ny Fiangonana ny FIANAKAVIANA MASINA, efa niaina izany isika
dia faly niaraka tamin’ny fianakaviana izay nisy antsika avy. Ity alahady faha-3 Volana Janoary ity koa
no atao hoe : EPIFANIA, izany hoe : Jesoa zazakely miseho amin’ireo
Majy solontenan’ny olombelona rehetra. « Faly dia faly izy ireo hoy ny Evanjely nahita ny
kintana nitari-dalana azy ho any Betilehema tanàna nahaterahan’i Jesoa. Ary
rehefa tonga tao izy dia nahita ny zazakely sy Maria reniny ka niankohoka
nitsaoka Azy ». Dia azontsika sary an-tsaina fa hafaliana toy izany ny
niainan’ireo Majy solotenantsika nahita ny Tompo tao an-tranon’omby ary dia
nanolotra izay nananany izy ireo : volamena sy emboka ary mira. Jesoa Andriamanitra no
nihaona tamin’ireo Majy tamin’izany andro izany. Feno hafaliana ny fon’izy
ireo fa amin’izao Asaramanitra izao koa isika mianakavy dia faly mifampizara
hafaliana sy izay ananana ; mifampirary soa mba ho feno an’Andriamanitra
ny fon’ny olombelona rehetra ka na inona mety ho fakampanahy na fandrebirebena
eny an-dalana tahaka izay nataon’i Heroda ireo Majy dia mino isika fa eo
mandrakariva ny kintana hitari-dalana , manilo ny dia mandritra ny taona. Bonne Année. |
|
|
Soeur
Clotilde |
|
DIMANCHE
03 JANVIER 2010 – MESSE DE L’EPIPHANIE DU SEIGNEUR
Année C – Couleur liturgique : BLANC
|
|
Jean-Marie
VIANNEY 1786 – 1859 |
TAONAN’NY
PRETRA ANNEE
SACERDOTALE Du 19 Juin
2009 au 19 Juin 2010 Ho fahatsiarovana ny faha-150 taona ny nahafatesan’i
Mompera Jean-Marie VIANNEY, Curé tao Ars. Izay Olomasina mpiaro ny Mompera
Curé rehetra. Mandritra izao fankalazana ny taonan’ny Pretra izao dia lasa
mpiaro ny Pretra rehetra tsy
ankanavaka izy. |
|
& VAKITENY MASINA Voalohany |
|
||
|
Bokin’i Izaia Mpaminany |
Iz. 60, 1 – 6 |
||
|
Mitsangàna,
ka mamirapirata, ry Jerosalema, fa miposaka ny fahazavanao ; ary
miposaka eo aminao ny fahazavan’ny Tompo. Indro ny haizina fa manarona ny
tany, ary ny haizim-pito manarona ny firenena ; fa ny Tompo kosa
miposaka eo aminao ; ary ny voninahiny miseho eo aminao. Mandroso eo
amin’ny fahazavanao ny firenena ary ho eo amin’ny famirapiratan’ny
fiposahanao ny mpanjaka. Atopazo manodidina ny masonao, ka jereo, izy rehetra
mivory mankaty aminao ; ny zanakao lahy tamy avy lavitra ; ny
zanakao vavy entina an-trotroana. Hahita
izany ianao amin’izay, ka ho miramirana ; hibitaka sy hiravoravo
ny fonao, fa hivantana aminao ny haren’ny ranomasina ; ary ho tonga ao
aminao ny rakitry ny firenena. Ho rakotry ny angamenavava zavon-tany
mbamin-drameva avy any Madiàna sy Efah ianao ; ny any Sabà rehetra ho
avy, hitondra volamena sy emboka manitra ary hitory fiderana ny Tompo. |
|||
|
Izany àry ny
Tenin’ny Tompo |
- |
Hisaorana anie Andriamanitra ! |
|
|
& VAKITENY
MASINA faharoa |
|
||
|
Taratasin’i Md. Paoly Apôstôly hoan’ny kristianina tany Efezy |
Efez. 3, 2 – 3a. 5 – 6 |
||
|
Ry
Kristianina Havana, aoka ho renareo ny fanambàrana ny
fahasoavan’Andriamanitra izay nomena ahy ho anareo, izany hoe, ny fanambaràna
mampahafantatra ahy ny zava-miafina, izay tsy mbola nampahafantarina ny
zanak’olombelona tamin’ny taranaka tany aloha, toy ny nanambaràna azy
ankehitriny tamin’ny apôstôliny masina sy ny mpaminany ao amin’ny Fanahy Masina,
dia izao : Ny Jentily dia tonga iray lova sy iray tena ary mpiombona ny
fampanantena amin’ny Jody ao amin’I Kristy Jesoa, noho ny ninoany ny
Evanjely. |
|||
|
Izany àry ny Tenin’ny Tompo |
- |
Hisaorana anie Andriamanitra ! |
|
|
& evanjely masina |
|
||
|
Evanjely Masina nosoratan’i Md. Matio |
Mt. 2, 1 – 12 |
||
|
Rehefa
teraka tao Betilehema any Jodea i Jesoa tamin’ny andron’i Herôda mpanjaka,
dia indreo nisy Majy avy tany Atsinanana tonga tany Jerosalema nanao hoe : « Aiza
ilay Mpanjakan’ny Jody vao teraka ? Fa efa nahita ny kintany tany Atsinanana
izahay, ka nankaty mba hitsaoka Azy ». Raha nahare izany i Herôda
mpanjaka, dia taitra izy mbamin’i Jerosalema rehetra, ka namory ny lohan’ny
mpisorona rehetra, sy ny mpanora-dalàna tamin’ny vahoaka izy, ary nanontany
azy hoe : « Aiza no hahaterahan’i Kristy ? » Ary hoy ireo
taminy : « Ao Betilehema any Jodea, fa izao no voasoratry ny
mpaminany : ary ianao, ry Betilehema tanin’i Jodà, tsy ianao no kely indrindra
amin’ny renivohitr’i Jodà, fa avy ao aminao no hivoahan’ilay Mpanjaka izay
hifehy an’i Israely oloko ». Dia nalain’i Herôda mangingina ny Majy, ka
nohadihadîny fatratra ny andro nisehoan’ny kintana taminy. Ary naniraka azy
ho any Betilehema izy nanao hoe : « Andeha ka fotopotory tsara ny
amin’ilay Zaza ; ary rehefa hitanareo, dia ilazao aho mba hankanesako
any koa hitsaoka Azy » Ary
rehefa nandre ny tenin’ny mpanjaka izy ireo dia lasa. Ary indro ilay kintana
hitany tany Atsinanana, fa nialoha azy ambara-pijanony teo ambonin’izay
nitoerany Zaza. Faly dia faly izy nony nahita ny kintana, ary rehefa
tafiditra tao an-trano izy, dia nahita ny Zazakely sy I Maria Reniny, ka
niankohoka nitsaoka azy ; ary nony efa nosokafany ny fitoeran-drakiny, dia
nanolotra fanatitra ho Azy izy, dia volamena sy emboka manitra ary mira. Ary
rehefa notoroan’Andriamanitra hevitra tamin’ny nofy izy ireo tsy hiverina any
amin’I Herôda, dia lalan-kafa no nalehany nody ho any amin’ny fonenany. |
|||
|
Izany àry ny
Tenin’ny Tompo |
- |
Dera anie ho Anao, ry Kristy ! |
|
|
( fifampizarana
|
|
|||
|
Ny fotoana tokoa tsy azo tazonina, ary tsy
tompon’ny fotoana isika. Nieren-doza, lavitra ny sampona, notsimbinin’ny
fahasoavan’Andriamanitra, ka tafita soa eto amin’ny taona vao mitsidika ity. Mitombo taona iray indray ny andro iainana,
koa miarahaba antsika mianakavy tratrin’izao taom-baovao 2010 izao. Misaotra
an’Andriamanitra mpandahatra ny zava-drehetra fa tafita soa an’iny taona 2009
iny, izay lasa nivalona any amin’ny varo tsy mifody. Koa arahaba tompoko
tratran’ny Asaramanitra. Miroso hatrany isika manatanteraka ny asa
anirahan’ny Fiangonana antsika. Tsy maintsy manaiky hisahirana ny
Kristianina, toy ireo Majy nanaraka ny kintana mpitari-dalana. Irahina fa tsy
manira-tena fa vonona amin’ny fanoloran-tena. Koa alao hery ry izy mianakavy fa maro ny asa
pastôraly miandry antsika rehetra amin’ity taona ity. Izay mino an’I Jesoa
dia manao ny asany, mpiara-miasa Aminy isika. Hampanjaka ny fihavanana sy ny
fahamarinana. Tsy miandrandra afa-tsy ny Sitrapon’Andriamanitra. Ny Aumônier, ny Birao sy ny filan-kevitra
Pastôraly dia mirary soa sy fanambinana ary fahasalamana antsika mianakavy,
isam-batan’olona, isan-tokantrano sy isam-pikambanana. Hamboly hahavokatra,
hiompy hahatavy. Ho hambinin-java-manasatra e. Mahareta sy mahereza daholo eo
ambany fitahian’ny Tompo. Ho lava andro, hateza taona daholo e ! Manjatoa
vola, manarivoa fananana. « Ilainareo
tokoa ny faharetana, mba hahazoanareo izay nampanantenaina anareo, rehefa
nanao ny sitrapon’andriamanitra ianareo » Hebrio 10, 36. |
|
|||
|
ELIASY Liva
|
|
|||
|
Prezidàn’ny
FKMP
|
|
|||
|
¦ soritr’asa
manaraka |
|
||||
|
1. |
ARAHABA
TRATRY NY TAOM-BAOVAO 2010 : Miarahaba antsika rehetra
tratran’ny Asaramanitra, tratran’izao taom-baovao 2010 izao. Manolotra ny
firarian-tsoa , feno fanambinana sy
fahasalamana. Hahomby amin’ny zavatra rehetra atao : asa sy fianarana. Hamokatra
be eo amin’ny Sahan’ny Tompo. Ho tratran’ny tsingerin-taona indray e. |
||||
|
2. |
HASIN’ANDRIMANITRA NA DENIER DE L’EGISE 2009 ETO AMIN’NY
FKMP : Efa nanomboka tamin’ny alahady 15
novambra teo ny fanentanana antsika mianakavy amin’ny adidy fanao isan-taona
eo amin’ny Hasin’Andriamanitra na Denier de l’Eglise. Tsapantsika tokoa fa
mila enti-manana ny asa fandraharahana rehetra eto amin’ny Fiangonana, ka
notanterahanareo ny tenin’ny Soratra Masina hoe : « fa teren’ny fitiavan’i Kristy antsika
izahay… » 2 Kôr.5, 14 Neken’ny Diosezy ny
fangatahantsika hanalava roa alahady mba hanefan’ireo taraiky amin’ny
fanefana izany adidy masina izany,noho ny antony maro samihafa. Koa tsy misy
ho diso anjara izany ny rehetra koa manentana ireo mbola tsy nahavita izany
fa ny alahady 03 sy alahady 10 janoary
no fe-potoana farany omena azy ireo. « Samia manao araka izay efa nokasainy tao am-pony avy, tsy
amin’alahelo na an-tery, fa mpanome
an-kafaliana no sitrak’Andriamanitra » 2 Kôr. 9, 7 |
||||
|
3. |
FIANARANA KATESIZY : Mitohy
ny fampianarana katesizy sy ny fandalinam-pinoana eo amin’ny Fiangonantsika
amin’ny alahady 10 janoary izao. Manomboka amin’ny 2 ora sy sasany
tolak’andro. |
||||
|
4. |
FRAT 2010 : Le FRAT est un pèlerinage voulu et animé par les évêques
d’Ile de France. Temps de rassemblement des jeunes chrétiens des huit
diocèses, il est aussi un lieu de rencontre des autres pèlerins, dont des
personnes handicapées et malades. En 2010, le Frat donne rendez-vous aux lycéens
(15-17ans) à Lourdes, sur le thème « Seigneur, apprends nous à prier »
du 21 soir au 26 avril matin ! La FKMP va constituer un groupe
pour y participer. Araka izany dia misy tanora avy eto amin’ny FKMP handray
anjara |
||||
|
” FIZARANA ANDRAIKITRA |
|
|
|
1. |
MANENTANA LITORIZIA : 10/01/2010 : Ireo vao nandray
ny sakramentan’ny Konfirmasio |
|
|
2. |
MANADIO FIANGONANA : 09/01/2010 : VAOMIERAN’NY KOLONTSAINA |
|