“Mifankatiava ianareo tahaka ny nitiavako anareo” ( Joany 15, 12 ) Fiangonana Katolika Malagasy Paris sy Ile-de-France 171 Boulevard Brune – 75 014 PARIS Site : http://www.fkmp.org/
H ISAN-TOKANTRANO
ZOMA 25 DESAMBRA 2009	N° 43
arahaba tratry ny noely SORONA MASINA ANTOANDRO MIANTSO ANTSIKA MBA HO IRAY TAMPO AMINY NY ZANAK’ANDRIMANITRA
MIRARY NOELY SAMBATRA ! Joyeux Noël ! “HIOMBONA ANJARA AMIN’NY MAHA-ANDRIAMANITRA AN’I JESOA KRISTY ANIE ISIKA MIANAKAVY”

VENDREDI 25 DECEMBRE 2009 – MESSE DU JOUR DE NOEL

Année C – Couleur liturgique : BLANC

Jean-Marie VIANNEY 1786 – 1859

TAONAN’NY PRETRA ANNEE SACERDOTALE Du 19 Juin 2009 au 19 Juin 2010 Ho fahatsiarovana ny faha-150 taona ny nahafatesan’i Mompera Jean-Marie VIANNEY, Curé tao Ars. Izay Olomasina mpiaro ny Mompera Curé rehetra. Mandritra izao fankalazana ny taonan’ny Pretra izao dia lasa mpiaro ny Pretra rehetra tsy ankanavaka izy.

& VAKITENY MASINA Voalohany
Bokin’ i Izaia Mpaminany			Iz. 52, 7 - 10
Endrey ! izany hatsaran’ny tongotr’ilay Iraka eny an-tendrombohitra, izay mitory ny Vaovao Mahafaly, dia ny fiadanana : ilay manambara ny fahasambarana, ilay mitory ny famonjena ; ilay milaza amin’i Siôna hoe : « Manjaka ny Andriamanitrao ! » Ny feon’ny mpitilinao : manandra-peo izy ireo, miara-mihoby an-kafaliana, satria hitany maso ny fiverenan’ny Tompo ao Siôna. Miaraha mihoby an-kafaliana, ry Jerosalema rava ! Fa ny Tompo efa nampionona ny vahoakany sy efa nanavotra an’I Jerosalema. Nasehon’ny Tompo ny sandrin’ny fahamarinany, hiharihary eo imason’ny firenena rehetra. Ary ny faran’ny tany rehetra, hahita ny famonjen’ny Andriamanitsika.
Izany àry ny Tenin’ny Tompo	-	Hisaorana anie Andriamanitra !

& VAKITENY MASINA faharoa
Taratasy ho an’ny Kristianina Hebrio			Heb. 1, 1 - 6
Fahiny tamin’ny fotoana sy ny fomba samihafa, dia efa niteny tamin’ny razantsika Andriamanitra, tamin’ny vavan’ny mpaminany ; fa amin’izao andro farany izao kosa indray, dia tamin’ny Zanany no nitenenany tamintsika, dia Ilay notendreny ho Mpandova ny zavatra rehetra sy nahariany an’izao tontolo izao. Io Zanany io, izay famirapiratan’ny voninahiny sy mariky ny Tenany, ary manohana ny zavatra rehetra amin’ny herin’ny tenany, dia mipetraka eo ankavanan’ny fiandrianany masina any amin’ny avo indrindra, nony avy nanao ny fanadiovana ny fahotantsika, ka natao ambonin’ny Anjely, arakaraka ny fahambonian’anarana nolovàny, fa tsy tahaka ny azy ireo. Fa Anjely iza no mba nilazan’Andriamanitra hoe : “Zanako Ianao, Izaho no niteraka Anao androany” sy ny hoe : “Izaho ho Rainy ary Izy ho Zanako” ? Ary rehefa mampiditra ny Lahy matoa aty ambonin’ny tany indray Izy, dia manao hoe : “Aoka hitsaoka Azy ny Anjelin’Andriamanitra rehetra”.
Izany àry ny Tenin’ny Tompo	-	Hisaorana anie Andriamanitra !

	& evanjely masina
	Evanjely Masina nosoratan’I Md. Joany				Jo. 1, 1 – 5 . 9 - 14
	Tamin’ny voalohany ny Teny, ary ny Teny dia tao amin’Andriamanitra, ary Andriamanitra ny Teny. Tao amin’Andriamanitra tamin’ny voalohany Izy, Izy no nahariana ny zavatra rehetra, ary raha tsy Izy, tsy nisy ary ny zavatra àry rehetra. Tao aminy ny fiainana, ary ny fiainana no fahazavan’ny olona. Ary mamirapiratra amin’ny maizina ny fahazavana, fa tsy nandray Azy ny maizina. Fa ny Teny ihany no tena Fahazavana, izay manazava ny olona rehetra tonga amin’izao tonga amin’izao tontolo izao, nefa tsy nahalala Azy izao tontolo izao. Tonga teo amin’ny olony Izy, fa ny olony tsy nandray Azy. Fa izay rehetra nandray Azy dia nomeny fahazoana ho tonga zanak’Andriamanitra, dia izay mino ny Anarany, ka tsy mba nateraky ny ra na ny sitra-pon’ny nofo, na ny sitra-pon’ny olona ireo fa nateraka avy amin’Andriamanitra. Ary ny Teny dia tonga nofo, ka nonina taty amintsika ; ary nibanjina ny voninahiny izahay, dia voninahitra tahak’izay zakain-janaka Lahy tokana avy amin’ny Rainy, sady feno fahasoavana sy fahamarinana Izy.
	Izany àry no Tenin’ny Tompo		-	Dera anie ho anao ry Kristy !
¦ FIARAHABANA
		Noely fiadanana « Voninahitra ho an’Andriamanitra any amin’nyn'ra ho an’Andraimanitra any @ Avo indrindra, fiadanana ho an’ ny olona ety ambonin ‘ny tany. » Izany no hiran’ny Anjely tamin’ny nahaterahan’i Jesoa zazakely. Hira mirary fiadanana ho an’ny olon-drehetra. Tohizin’ny Papa io firariana fiadanana ho an’izao tontolo izao io isaky ny andron’ny Noely toy izao. Io fitoriana ny fiadanana sy ny fahamarinana io tokoa manko no dikan’ny nahatongavan’i Jesoa tety ambonin’ny tany. Tsy tonga hanapatra fahefana ka hanao tsinontsinona ny madinika sy ny osa fa tonga tamim-panetren-tena hitory fiadanana sy fandriampahalemana ary fahamarinana. Tonga hiara-monina amintsika olombelona na dia Andriamanitra aza mba hanandratra antsika ho zanak’Andriamanitra. Na dia eo aza izany votoantin’ny Noely izany dia tsy ho hadinontsika koa fa ny fetin’ny Noely dia fetim-pianankaviana sy ny ankizy. Miara-paly ny fianankaviana, mifanolotra fanomezana, mifandefa firariantsoa. Io no fotoana hahafahan’ny rehetra mihaona mandritry ny taona ho an’ny fianakaviana sasany. Koa miarahaba antsika rehetra tratr’izao Noely 2009 izao.Enga anie izao fety izao hanamafy ny fifankatiavan’ny fianakaviana, ny mpiray Fiangonana. Enga anie hanjaka eo amintsika ny fiadanana sy ny fandriampahalemana dia ho tanteraka ny « Noely fiadanana » . Mirary fety sambatra . Père Edmond RAKOTONDRAMANANA, Aumônier

” FIZARANA ANDRAIKITRA
1.	MANENTANA LITORIZIA : 27/12/09 : VAOMIERAN’NY FIARAHA-MONINA (Fetin’ny Fianakaviana Masina) 03/01/2010 : BIRAOM-PIANGONANA (Fetin’ny Epifania)
2.	MANADIO FIANGONANA : 26/12/09 : BIRAOM-PIANGONANA 02/1/2010 : Ireo vao nandray ny sakramentan’ny Konfirmasio

MIANTSO ANAO AM-PITIAVANA

HANEFA NY ADIDY MASINA DIA NY HASIN’ANDRIAMANITRA

NA NY DENIER DE L’EGLISE