|
“Mifankatiava
ianareo tahaka ny nitiavako anareo” ( Joany 15, 12
) Fiangonana Katolika Malagasy Paris sy Ile-de-France 171 Boulevard Brune
75 014 PARIS |
|
|
|
ISAN-TOKANTRANO Site :
http://www.fkmp.org/ |
||
|
Entanim-pinoana sy
fitiavana |
||
|
Alahady
11 Janoary 2009 |
N° 01 |
|
I JESOA NATAO BATEMY -
TAONA B
Izaia
55, 1 - 11 Izaia 12
1 Joany
5, 1 - 9 Marka 1, 7 - 11
Batemin’I Jesoa : tandindon’ny batemintsika
Mankalaza ny batemin’i Jesoa isika androany,
mampatsiahy ny batemintsika io. Fa inona marina moa ho antsika tsirairay avy no
atao hoe “vita batemy ?”
Amin’ny fiainantsika andavanandro dia toa tsy
dia zava-dehibe loatra ny batemy. Ny
Komonio voalohany, ny
Sakramentan’ny Fankaherezana matetika no mijanona ho fahatsiarovana eo amin’ny
fiainantsika fa ny batemy kosa izay noraisintsika voalohany hadinontsika.
Indraindray aza amin’ny batemin-jaza izay atrehintsika dia toa tsy azontsika
marina ny dikan’io sakramenta io.Porofon’izany: maro amin’izao androntsika izao
no mihevitra fa efa fomba lany andro natao handraisana ny olona ho isan’ny
Fiangonana ny batemy satria mbola tsy mahay manoratra sy mamaky ny zaza dia efa
soratana ao, ka izany no mahatonga azy ireo hiteny hoe “ avelao ho lehibe ny zaza dia misafidy izy na
hatao batemy na tsia”.
Tadidio anefa fa ny zaza dia tsy antsika toy ny
fananantsika vola sy fiara
fa an’Andriamanitra. Izy no nahary ny zaza.
Mitaky adidy sy andraikitra anefa io batemy io.
Anjarantsika vita batemy no mampiseho fa mpisorona sy mpaminany ary mpanjaka .
Mandray anjara amin’ny sorona iaraha-manolotra izay tarihan’ny pretra. Miezaka
mampiseho ny marina eo amin’ny fiainana
andavanandro. Sahy mamaky batsilana ny tsy rariny sy ny fanitsakitsahana ny zo
aman-kasin’ny olona satria izany no maha
mpaminany.Manjaka amin’ny fomba fanjakan’I Jesoa. ‘Zany hoe: mpanjakan’ny
fitiavana fa tsy mpanjakan’ny harena sy ny voninahitra.
P. Edmond RAKOTONDRAMANANA,
Aumônier
|
Dimanche 11 Janvier 2009 –
Année B Couleur liturgique : Blanc BAPTÊME DU SEIGNEUR VAKITENY MASINA VOALOHANY Bokin’i Izaia Mpaminany Iz.55, 1 - 11 Ianareo rehetra izay
mangetaheta, mankanesa aty amin’ny rano, na dia ianareo tsy manam-bola aza ;
avia mividiana vary ka mihinàna ; avia hividy tsy amim-bola na takalo, hividy
divay sy ronono. Nahoana ianareo no mandany vola amin’izay tsy hanina ; sy
izay nisasasaranareo amin’izay tsy mahavoky ? Koa mihainoa Ahy ary mihinàna
izay tsara ; ary aoka ny fanahinareo hiravoravo amin’izay hanina fy.
Atongilano ny sofinareo, ka mankanesa aty amiko ; mihainoa ka aoka ho velona
ny fanahinareo ; ary hanao fanekena mandrakizay aminareo Aho, ka hanome
anareo ny fahasoavana nampanantenaina an’i Davida. Indro izy natsangako ho
vavolombelona eo amin’ny firenena ; ho mpifehy sy mpandidy ny firenena. Indro
ianao hiantso ny firenena tsy fantatrao, ary ny firenena tsy nahalala anao
hidodododo ho eo aminao, noho ny amin’ny Tompo Andriamanitrao, sy Ilay
Masin’i Israely, satria nomeny voninahitra ianao. Mitadiava ny Tompo dieny
mbola mety ho hita Izy ; miantsoa Azy dieny mbola akaiky Izy. Aoka ny ratsy fanahy hiala amin’ny lalany, ary
ny meloka hiala amin’ny heviny ; ka hiverina amin’ny Tompo izy, dia
hamindrany fo, hiverina amin’Andriamanitra fa hamela malalaka Izy. Fa ny fihevitro tsy
fihevitrareo, ary ny lalanareo tsy mba lalako, - teny marin’ny Tompo, -Tahaka
ny haavon’ny lanitra noho ny tany ny haavon’ny lalako noho ny lalanareo, sy
haavon’ny fihevitro noho ny fihevitrareo. Tahaka ny ranon’orana
aman’oram-panala, milatsaka avy any an-danitra, ka tsy miverina any raha tsy
efa maninteraka sy mahalonaka ny tany, sy mampaniry ny zavatra mitsiry avy
aminy, ka mampahazo voa famafy ny mpamafy, ary hanina ho an’ny mpihinana ;
toy izany ny teniko izay aloaky ny vavako ; tsy miverina amiko foana izy, fa
mahatanteraka izay tiako, sy mahatontosa izay namoahako azy. - Izany àry ny Tenin’ny Tompo. – Hisaorana anie Andriamanitra ! VAKITENY MASINA FAHAROA Taratasy voalohan’i Md Joany Apôstôly 1 Jo 5, 1 - 9 Ry hava-malala, izay rehetra mino fa i Jesoa no Kristy dianateraka avy
amin’Andriamanitra ; ary izay rehetra tia Ilay niteraka Azy, dia tia Azy
naterany koa. Ny marika ahafantarana fa tia ireo zanak’Andriamanitra isika,
dia fitiavantsika an’Andriamanitra sy ny fitandremana ny didiny, satria izay
nateraka avy amin’Andriamanitra dia mandresy an’izao tontolo izao ; ary ny
fandresena izay naharesy an’izao tontolo izao dia ny finoantsika. Iza àry no
maharesy an’izao tontolo izao, afa-tsy izay mino fa i Jesoa no
Zanak’Andriamanitra ? Dia Izy no Ilay rano sy rà ; tsy tamin’ny rano ihany, fa tamin’ny rano
sy rà ; ary ny Fanahy manambara, satria ny Fanahy no fahamarinana. Fa misy
telo no manambara any an-danitra, dia ny Ray sy ny Teny ary ny Fanahy Masina
; ary izy telo ireo dia mifanaraka. Misy telo koa no manambara ety an-tany,
dia ny Fanahy sy ny rano sy ny rà ; ary mifanaraka tsara izy telo ireo. Raha
ny fanambaràn’ny olona aza raisintsika, mainka fa ny fanambàranAndrimanitra
izay lehibe lavitra ; ary ny fanambàran’Andriamanitra dia ny nanambaràny ny
Zanany indrindra. - Izany àry ny Tenin’ny Tompo. – Hisaorana
anie Andriamnitra ! EVANJELY MASINA Evanjely Masina nosoratan’i Md Marka Mk. 1, 7 - 11 Tamin’izany andro izany,
nitory teny i Joany nanao hoe : “Avy aoriako Ilay mahery noho izaho, ka tsy
mendrika hiondrika hamaha ny fehi-kapany akory aho. Izaho nanao batemy anareo
tamin’ny rano, fa Izy kosa hanao Batemy anareo amin’ny Fanahy Masina”. Ary tamin’izany andro
izany, dia tonga avy any Nazareta tanànan’i Galilea i Jesoa, ka nataon’i
Joany batemy tao Jordany. Raha vao niala avy tao anaty rano Izy, dia nahita
ny lanitra nisokatra, sy ny Fanahy nidina tahaka ny voromailala, nankeo
amboniny ; ary nisy feo avy tany an-danitra nanao hoe : “Ianao no Zanako
malalako, Ianao noankasitrahiko”. - Izany àry ny Tenin’ny Tompo. – Dera
anie ho Anao, ry Kristy ! |
FIFAMPIZARANA
Tonga
olombelona ilay Zanaky ny Avo indrindra, ilay Zanaka malala sy
sitrak’Andriamanitra indrindra. Tonga olombelona naka nofo sy nivoaka an-kibo
toy ny zaza rehetra i Kristy; ary mbola nampiseho ny lalana tokony hizoran’ny
olombelona rehetra ihany indray koa tamin’ny alalan’ny Batemy. Tena nietry tena
ilay Zanaky ny Avo indrindra, ilay hany sitraky ny Ray, mba hamitram-pihavanana
amintsika sy hahatonga antsika ho zanaky ny Ray.
Isaky
ny manao fifanekem-pihavanana amintsika ilay Andriamanitra Avo indrindra dia
mampiroboka antsika hatrany ao anaty rano. Niroboka ny ranomasina mena ny
zanak’Israely alohan’ny nandraisan’izy ireo ny didin’Andriamanitra, ilay fifanekena
voalohany (Testamenta taloha). Ary
mbola niantso antsika tamin’ny alalan’i Joany Batista indray koa Izy mba
hiomanantsika amin’ny fifanekena vaovao (Testamenta
vaovao). Ary indro ilay lalana sy fahamarinana ary
fiainana no nampiseho ohatra ho antsika. Ary mbola izy ihany koa no nanome ny
rany ho fanampin’izany rano fanadiovana antsika izany (rehefa nolefonina ny lanivoan’i Kristy dia indro rano sy ra no nivoaka
avy tao). Rehefa avy voadion’ny rano sy ra ary isika dia indro indray
nomeny ilay fanomezana sarobidy indrindra dia ny Fanahy Masina izany (hoy ny Tompo mantsy : raha mangataka atody
ny zaza dia tsy hanome azy maingoka ny rainy, eny fa na dia ray ratsy fanahy
aza izany, ka vao maika ve ilay raintsika be fitiavana tsy hanome antsika ny
Fanahy Masina).
Ny “Rano”
sy ny “Ra” ary ny “Fanahy Masina” no toko telo mahatonga antsika
ho sitraky ny Ray. Izany no fehin’ny Sakramenta izay noraisintsika sy mbola
horaisintsika.
Vaomieran’ny
Finoana
VAOVAOM-PIANGONANA 1- FIARAHA-MIVAVAKA EKIOMENIKANy alahady 18 janoary isika no hanao ny Herinandron’ny Fiaraha-mivavaka ekiomenika karakarain’ny FFKM FRANCE. Izany dia hatao eny amin’ny Fondation d’Auteuil 42, rue Jean de La Fontaine Paris 16ème – Métro : Jasmin. Ny fotoana dia hanomboka amin’ny 3 ora tolak’andro. 2 – KATESIZY
Ny fampianarana Katesizy dia mitohy hatrany. Ny fotoana manaraka dia ny
alahady 25 janoary 2009, eto amin’ny Chapelle Saint Paul. Manomboka amin’ny 2
ora tolak’andro.
3 – FIVORIAN’NY
FILAN-KEVITRA PASTORALY
Araka ny fandaminana ara-drafitra vaovao eto amin’ny Fiangonantsika, dia hivory eto am-piangonana ny Filan-kevitra Pastoraly ny alahady 25 janoary 2009, hanomboka amin’ny 2 ora tolak’andro. Izany dia hisy solontena iray isam-baomiera dia ny mpanentana izany : Finoana, Fifandraisana, Fiaraha-Monina, Kolon-tsaina, Fitantanana, miampy ny filohan’ny Sampana Tanora. Ireo mivondrana miaraka amin’ny Birao no manome ny Filan-kevitra Pastoraly. Hisy fiantsoana manokana isam-baton’olona (convocation individuelle) ireo mpanentana amin’izany. 4 - FITAOVANA AMIDY
Mbola misy ny fihirana Hasina : 10 euros, Gazety Olombaovao farany : 3 euros 5 – FIZARANA ANDRAIKITRA |
|
Manadio
Fiangonana |
Lamesa |
Manentana
Litorizia |
|
17/01/09 |
Sampana
ANTOKO
MPIHIRA |
Ekiomenika |
FFKM
FRANCE |
|
24/01/09 |
Sampana TANORA |
25/01/09 |
Sampana ANTOKO MPIHIRA |