FILAZANA MANJO

Ho an'ny Mompera Aumônier
           Ny Birao
           Ny Filan-kevitra Pastôraly
           Isika kerstianina rehetra eto amin'ny FKMP


Efa maro tamintsika no nandre nandritra iny volana Aogositra iny, ary efa nidodododo nitsapa alahelo, fa noho ny fangatahana manokana nataon'ny fianakaviana dia izao vao alefa ny filazana manjo ho antsika rehetra eto amin'ny FKMP, rehefa tafaverina soa aman-tsara avy any amin'ny fandevenana izy ireo.

Koa amin'ny alahelo no ampandrenesana antsika mianakavy ary ny maha-iray tampontsika antsika ao amin'ny Tompo, sy fiombonana ao amin'ny FKMP no ilazan'i Riry sy Sahondra RAMIHONE (mpitambolan'ny Fiangonana) mianakavy, fa nodimandry tamin'ny Alatsinainy 09 Aogositra  ny rahalahin'i Riry
Itompokolahy RAMIHONE Raoul Richard
teo amin'ny faha-  57 taonany
namela vady sy zaza kamboty efatra

Ny fandevenana dia efa vita soa aman-tsara tamin'ny Asabotsy 14 Aogositra 2010 tany an-tanindrazana.

Koa ny FKMP dia miombona tanteraka amin'izao fahoriana izao ary mitondra ny teny fampiononana. Ny fianakaviana dia mangataka ny Sorona Masina amin'ny alahady 05 septambra izao eto amin'ny FKMP ho fialan-tsasatry ny fanahin'Itompokolahy.

"Efa niady ny ady tsara aho, nahatanteraka ny fihazakazahako aho, nitahiry ny finoana aho"  (2 Tim. 4, 7)


Aoka hifampilaza fa sao misy tsy tratra antso noho ny hafenoan-drano be loatra, hoy ny fitenenana

Samia tahian'Andriamanitra. Mifampitondra am-bavaka.

Nampita hafatra

ELIASY Liva
Filohan'ny FKMP