EDITO...
Manomboka taom-pianarana sy taona pastoraly vaovaoa indray isika rehefa avy nahavita ny fialantsasatra. Antenaina fa nitondra hery sy tanjaka ho antsika iny fialantsatra iny.
Koa eto ampanombohana ny taona àry dia mahafaly ahy ny misaotra ny ezaka nataontsika nandritra iny taona lasa iny momba ny site fkmp.org, site izay natao hifaneraserantsika sy hifanabeazana sy ny manentana antsika handray anjara hatrany.
Nisy tokoa ny « Ainga vao », niroborobo ny site koa mankasitraka sy makatelina anareo rehetra izay nandray anjara indrindra ireo teknisiana miandraikitra voalohany io site fkmp.org io. Tsapako fa tsy mora ny mikarakara ny site toy itony : mandany andro, mandany fotoana ary mandany ron-doha nefa dia tsy nataonareo ambanin-javatra izany na dia eo aza ny asa fivelomana sahaninareo isan’andro. Andriamanitra tompon’ny hery sy ny fahalalana anie hanampy sy hanonitra ny hery sy ny andro ary ny fotoana izay laninareo. Mankasitraka !
Fa na dia efa tsara sy mahafinaritra toy izao aza ny site-tsika dia mbola miangavy antsika rehetra hatrany handray anjara. Hataontsika tarigetra ny tsy fijanonana eo @ antonotonony fa hezahantsika handroso hatramin’ny tsara hatrany. Koa manainga antsika rehetra. Samy manana ny talenta nomen’Andriamanitra azy ny tsirairay. Ampiasao ireny hanasoavana ny be sy ny maro. Misy ny mahay tononkalo mety hampitombo finoana na fahendrena ny hafa, misy ny mahay tonom-bavaka mety hampamohafoha ny finoan’ny sasany izay efa somary maimaina, misy ny mahita vaovao mahasoa ny be sy ny maro …. Zarao fa mahasoa ireny.
Ho anareo vaovao izay mitsidika ity site fkmp.org ity, indrindra ianareo tonga manatevin-daharana ao @ FKMP miaraka aminay : tonga soa ianreo. Mahafaly anay ny miara-mivavaka sy mifankahita aminareo.
Dia mirary fanombohan’ny taom-pikatrohana tsara ho antsika rehetra.
P. Edmond Rakotondramanana
Aumônier FKMP
Sary miisa 60 (Volamiarinjato)
Tohiny...
( sary miisa 204 : fkmp.org, TSIVERIZO )
" Roapolo taona mahery aho izay no mpikambana tato amin'ny FKMP, fa hafa noho ny hafa iny takariva iray iny..." Izany no ako heno tetsy sy teroa taorian'iny fety "takariva mena masoandro iny".
( tohiny...)
sary miisa 94 (fkmp.org)Paka fitiavana, Paka famonjena...
Nandritry ny herinandro maninjitra no fotoana nentin'ny fiangonana nankalazana ny Paka. Vakitenin'ny Soratra Masina, hira, vavaka, fiaretan-tory : izany no anisan'ireo fomba nentina mba hisaorana sy hiderana ny anaran'Andriamanitra noho ilay famonjena sy fitiavana lehibe natolony ho antsika.
Tonga marobe foana ireo kristianina namonjy ny fotoana nandritra io herinandro io izay efa nanomboka ny alahadin'ny sampan-kazo. Ny alin'ny sabotsy masina dia somary niavaka ihany koa satria ankoatra ny fankalazana ny fetin'i Kristy ilay FAHAZAVANA dia fotoana natokan'i Nadia Lisy ANDRIAMANANTENA sy RAKOTOMANANTSOA Andrianome (Mémé) nanehona ampahibemaso ny finoan'izy ireo ("profession de foi").
Toy ny fanao efa mahazatra ny Fiangonana Katolika Malagasy eto Parisy dia ny Antokom-pihira FEON'ANJOMARA no nanokatra ny fotoana ny alahadin'ny Paka tamin'ny alalan'ny antsam-panahy.
Alahady 26 Desambra 2010
manomboka amin'ny 4ora tolak'andro
Chapelle Saint Paul
171, bd Brune
75014 Paris
Zoma 24 - Asabotsy 25 - Alahady 26
------------------------------------------
HASIN’ANDRIAMANITRA – DENIER DE L’EGLISE 2010 :
Manomboka tamin'ny alahady 07 novambra ny fanentanana antsika mianakavy eto amin’ny FKMP amin’ny fanefana ny adidy masina eo amin’ny fanohanana ara-bola ny asa pastôraly, na ny Hasin’Andriamanitra (Denier de l’Eglise).
Ezaka takiana amin’ny isam-batan’olona na ny isan-tokantrano izany. Koa manainga antsika rehetra fa izay manome an-kafaliana no sitrak’Andriamanitra.
------------------------------------------
MATSOM-PANAHY HO FANOMANANA NY NOELY : 18 sy 19 DESAMBRE 2010
Efa nanomboka ny fisoratana anarana amin’ny Matsom-panahy izay hataontsika ny 18 sy 19 desambra 2010 ho fiomanana amin’ny Noely. Ny resaka momba ny “FIANAKAVIANA” no jerena amin’izany araka ny lohahevitra iainan’ny Diosezy eto Paris.
Ny toerana dia any amin’ny Missions franciscaines “La Clarté-Dieu”, any Orsay Ville (91), RER B : Orsay Ville.
Ny fandraisana anjara dia 15 € ny lehibe ary 5 € ny ankizy (3–8 taona). Nisy fiovana izany ny toerana fa tsy any La Ferté sous Joaurre indray araka ny voalaza teo aloha. Koa manainga antsika rehetra amin’izany fotoana lehibe fiomanana handray ny Mesia izany.
------------------------------------------
JOURNEES D’AMITIE,
20 SY 21 NOVAMBRA 2010
Misaotra ireo rehetra tonga nanotrina ny Journées d’amitié tetsy amin’ny Paroasy Saint Pierre de Montrouge. Ary isaorana manokana ny vaomieran'ny Fiaraha-Monina sy ny mpandrindra azy, tamin'ny fikarakarana sy fanatontosana ny andraikitra tamin'izany.
Ny vola azontsika tao moa dia atolotra manontolo an’ny Paroasy.
------------------------------------------
ANDRO IRAISAM-PIRENENA NATOKANA HO AN’NY MPIAVY :
Nolazaina tamintsika koa fa alefa mivantana ao amin’ny Fahitalavitra France 2 ny Lamesa fankalazana ny andro Iraisam-pirenena ho an’ny Mpiavy “Journée Mondiale des Migrants”.
Ny FKMP no voaasa hanentana izany Lamesa lehibe izany, izay tarihan’I Mgr SCHOCKERT, Eveka mpiahy ny Mpiavy sy Mpifindra monina. Izany dia hatao ny Alahady 16 janoary 2011, ao amin’ny Paroasy Saint Pierre de Montrouge (Paris 14ème).
Ny lohahevitra dia ny hoe “Fianakaviana iray ihany”. Miaraka amintsika amin’izany ny mpiangona ao amin’ny Paroasy.
Mbola averina amintsika hatrany isan’Alahady ny andinindininy amin’izany. Ny Jour du Seigneur moa no tompon’ny fandaharana isan’alahady ao amin’ny France 2.
------------------------------------------
t@ 9 ora sy sasany maraina
(Katedraly Notre-Dame de Paris)
LAMESA FANIRAHANA NY FILAN-KEVITRA PASTORALY
Notarihan'ny Kardinaly André VINGT-TROIS, Arsevekan'i Paris, sy ireo Eveka mpanampy ary ireo Pretra Curés sy Aumôniers marobe.
Nasaina tamin'io Lamesa lehibe io ireo Filan-kevitra Pastoraly rehetra isaky ny Paroasy teto amin'ny Diosezin'i Paris. Nisy solontena koa avy amin'ny FKMP.
------------------------------------------
Manomboka taona pastôraly vaovao isika FKMP rehefa avy niala sasatra vetivety. Mangataka ny fahasoavan’Andriamanitra hirotsaka amintsika mba hahefa be. Tsy mora ny iraka ampanaovina antsika nefa ny enta-jarai-mora zaka raha atao soroka miara milanja, tongotra miara-mamindra .....
(Tohin'ny teny fampidirana avy @ Biraom-piangonana FKMP)
------------------------------------------
FANENTANANA NATAON'NY FKMP TANY AMETTES (Alahady 29 Aogostra 2010)
------------------------------------------
ZAIKABE 2010 PARAY LE MONIAL
Amin'ny maha-mpiray tampo antsika, Fianakaviambe iray eto amin'ny FKMP dia mampandre amin'ny alahelo lehibe sy amin'ny finoana ny Fitsanganan-ko velona fa nodimandry ny Alahady 26 septambra 2010 teo noho ny lozam-piarakodia tany an-tanindrazana
teo amin'ny faha- 51 taonany
Itompokolahy dia Dadan'i Seheno ao amin'ny Vaomieran'ny tanora ary anadahin'i Mireille ao amin'ny Sampana Antoko Mpihira "Feon'Anjomara" eo amin'ny rohim-pihavanana.
Mahafaly ny mampandre antsika rehetra fa teraka kambana mirahavavy tamin'ny Alahady 14 Novambra 2010 teo i Dina vadin'i Patrick RAKOTONARIVO izay sady mpikambana ao amin'ny Antoko Mpihira no Mpitambolan'ny ANCMF. Raitra sy Vanona no anarana entiny.
"La famille et la jeunesse : une espérance"
Extrait de la lettre pastorale du cardinal
André Vingt-Trois
FAMPIANARANA KATESIZY
Mitohy hatrany ny fampianarana katezizy ho an’ireo zanatsika. Manomboka amin’ny 3 ora tolak’andro izany. Aoka mba ho marim-potoana.
Aorian’ny lamesa isan’alahady dia mianatra hira hatao amin’ny Noely ny ankizy.
Isaky ny Alahady voalohan'ny volana amin'ny 3 ora hariva ny fampianarana
Kolontsaina malagasy ireo ankizy eto amin'ny Fiangonantsika izay tarihin'ny Vaomieran'ny
Kolontsaina.
Ny ankizy
manomboka 4 taona ka hatramin'ny 18 taona no sahanina amin'izany.
“ Fa sarobidy ny Tenindrazantsika
Lovasoa sy harena
ary ambony noho ny volamena.”
 |